РАМП аилазаашьа

Аҧсны ашьхараҿы Кавказтәи ашьха ду аика аладатәи анаараҿы ишьҭоуп Риҵатәи арелиқттә милаҭтә парк. Апарк 1996 шықәсазы иаҧҵоуп 1930 шықәсазы иаҧырҵаз Риҵатәи аҳәырҧсарра аҭыҧан. Амилаҭтә парк 39. нызқь га аҵанакуеит. Ара аҳауатә, аекологиатә ҭагылазаашьақәа акыр иеиуеиҧшымкәа иҟоуп. Иеиҧшӡам аландшафтгьы. Уи аҳаракырақәа реиҟарамра иахҟьоит (100 – 3256 метр.). Ари иабзоураны апарк аҿы ирацәаӡоуп аҵиаақәеи аҧстәқәеи.

Аҭыҧҵакыра аҭҵаара аҭоурых

Аҳәырҧсарра, анаҩс амилаҭтә парк афлора аҭҵаара аус шәышықәсалатәи аҭоуырх амоуп. Раҧхьаӡа ари аус хациркххьан иеицырдыруа Кавказ аҭҵааҩы Н.А. Альбов, 19-тәи ашәышықәса 80 – тәи ашықәсқәа рзы аҧсабараҭҵааҩцәа рахьтә раҧхьаӡакәны иахьатәи аҳәырҧсарра дахысны ибеит Лашҧси Ҩыҧшареи аҩхаақәа дырҭысны, уи анаҩс аҵиаа хкы рацәа дрыхцәажәеит. Н.М. Альбова иусумҭақәа рыҟны имаҷым зҿлымҳара зуҭаша Аҧсны афлора иазку адыррақәа, аӡиа Риҵа акәша-мыкәша иамоу афлорагьы убра иналаҵаны.

Ҵакылатәи араионеихшара

Раионла аихшараан иалкаауп  агеографиатә сектор еиҧш, ҵакылатәи азонақәагьы. Асекторқәа ирныҧшуеит аҭыҧқәа ихадоу рыхьӡқәеи абнеиҿкаара ахсаалаҩыратә материалқәеи: Ауадҳаратәи, Риҵатәи, Кәыџба-Иашҭа, Черқьес-Полиантәи Черкесско-Полянский,Бзыҧтәи. 

Апарк азы аҧҟара

I. Азеиҧш ҧҟарақәа

Риҵатәи арелиқттә милаҭтә парк аҧасабарахьчаратә, аекологиа-рккаратә, ҭҵаарадырратә усбарҭоуп. Иара (акваториа) иеиднакылоит иҷыдоу аекологиатә, аҭоурыхтә, аестетикатә ҵакы змоу, иара убас аҧасабаратә, арккаратә, аҭҵаарадырратә, акультуратә хықәкқәа рзы ахархәареи хылаҧшразмоу атуризми ирызку  аҧсабаратә комплексқәеи аобиектқәеи.

РАМП Аилазаашьа

Аҧсны ашьхараҿы Кавказтәи ашьха ду аика аладатәи анаараҿы ишьҭоуп Риҵатәи арелиқттә милаҭтә парк. Апарк 1996 шықәсазы иаҧҵоуп 1930 шықәсазы иаҧырҵаз Риҵатәи аҳәырҧсарра аҭыҧан.  

РАМП азы азеиҧш дыррақәа

Риҵатәи арелиқттә милаҭтә парк 43.473° абжь. аҭб. 40.591° в. д. (G) (O) Аҧсны ашьхараҿы –Кавказтәи ашьха ду аика аладатәи анаараҿы Ҕьаҕьеи Ҧшыцеи аӡиасқәа рыбжьара ишьҭоуп. 1996 шықәсазы иаҧҵоуп 1930 шықәсазы иаҧырҵаз Риҵатәи аҳәырҧсарра аҭыҧан.  

Администрация парка

Республика Абхазия

384850, г. Гудаута 

ул. Лакрба, 1а

Тел: +79409934598

E-Mail: ritsa-park@mail.ru

Search

Яндекс.Метрика